Sunday, October 30, 2005

 

唔好俾女人知咁多野

因為女友無收入, 所以我每個月都會做多少佢. 前幾日, 我又再做呢個動作.
因為呢排馬仔波仔生勝, 所以我俾平時俾多左少少佢....之後佢唔多肯要, 佢話之前d仲未洗晒, 又話要都唔駛咁多....咁我諗住令佢放心, 咪同佢講我呢排贏左錢, 鬆動d囉.........
點知, 佢唔安樂左成晚...查問之下, 發覺原來係因為...佢怕我為左有多d錢俾佢而去賭大左, 所以唔太安樂~ 我都唔知好嬲定好笑, 只好講句佢太唔清楚我點樣賭法了....我呢d professional 又點會為左少少而影響到我點投注丫.................

Tuesday, October 25, 2005

 

有女朋友 = 冇朋友?

好多人見到呢個topic, 梗係會話 "唉, 呢一pair又係咁"...其實在我來講, 真係有段古...
在我的case中, 點解會咁架呢? 我好清楚...well, 主因係因為如果我搵朋友出街, 我女友就都會搵佢o既朋友出街, 而佢d朋友, 玩親都係通宵達旦, 但係我就只會同朋友食o下飯, 結果...因為我唔鍾意我女友同佢d fd去到通宵達旦, 所以, 我都冇計, 唯有唔出街, 等佢都冇藉口出囉~

不過, 又咁講, 如果我搵 fd 出的時段, 係佢唔得閒o既時段, 咁又唔同, 咁即係咩時段呢? um...即係佢o既返學時間/ 星期6,日的傾 project 時間.

至於傾電話? 唔知點解, 通常d 人o既傾電話時段, 都係半夜三更~ 而夜晚我唔係同女友傾緊, 就係訓左...所以~~而....剩返...就只有ICQ 同 msn,

但我d fd 又冇我咁得閒online wow~~SO........................冇同d fd contact 好耐了.........

Monday, October 24, 2005

 

離奇日子

呢排好多特別o既事發生左....

1.有日搭架巴士....頂...行到大半...佢火燭喎....我仲要坐上屠尾座.....好彩冇事...不過d人好怪, 冇咩危機感....仲慢慢落車, 有d仲等人行晒....坐陣先............咩世界?? 著火呀而家! 你估死火呀????

2. 有日食 lunch 又差d俾d碎骨硬死....唉, 我至怕出街食雞....唔知點解, 出面d人斬得咁差~

3. 唔通大難不死, 就會後福?? 呢幾次d波仔馬仔...生性都我唔信?!?!

Friday, October 21, 2005

 

股票

好多人呢排都問我, 建行買唔買得過呀?? 領匯又得唔得呀? 咁之類o既問題...well~ 老實, 買就一定買得過, 但係我唔會買...

我中二開始識買股票, 當時005 都只係做緊 92個幾, 仲要係未拆3之前...到左4,5 年前, 正式囉錢出來玩, 咁耐...結論只有一個....就係...股票....並唔係一件投資工具...

呢幾年來, 賺又賺過, 1,2個月內輸晒皮幾野又試過....你話我對股市死心又得...咩都得...
老實, 我o既經驗話俾我知...買股票只係可以從2個途徑贏錢.....
1. 價位升,
2. 當定期.

價位升真係可以幫到我 earn money??? NO! 因為本少, 升一,兩個價位, 手續費都去左啦, 你要升得多, 又有幾多股票可以升得多丫...... 除非買輪...不過......隻輪升 20% 又點....(20%已經好難升到), 買5,6千咪得果一千蚊到純利, 嘩~咁多本, 仲要買輪, 先得果一千蚊....我不如立心囉2,3千蚊來賭波好過....

唉, 咩都化了, 死心啦~ 我已經唔再寄望短炒有咩錢贏...買優質股當定期去收算了....

所以買股票對我來講, 再唔係咩投資....係一個會升的定期, 切記! 呢個定期一定就定起碼3年. 亦都所以, 在未有多餘錢做定期之前, 我都唔買了....

一句: 唔好心軟, 唔好短炒, 要贏快錢, 不如賭馬賭波!

Tuesday, October 18, 2005

 

新開張

呢一個係一個全新o既個人 online dairy, 老實, 開呢個係因為我而家女友有我舊果個, 唔係話想呃佢 d 乜, 只係想有返個私人空間, 抖抖氣, 想講乜就講....所以, 呢個diary, 只有我d fd 先有, 順帶一提, 如果我o既好朋友...即係你! 他日見到我女友, 千萬唔好提返呢個dairy o既內容呀~

This page is powered by Blogger. Isn't yours?