Sunday, January 01, 2006

 

恭喜我朋友

今日, 我朋友 Ernie 正式同佢男友註冊結婚...真係好衷心咁恭喜佢地...
我同呢個朋友好怪....話好熟..又唔係好算, 話唔熟, 亦都唔係....
我同佢o係 ICQ 度識o既....但我都唔記得識左幾耐.....照估.....um....同stephanie 拍拖我好少上網識人, 不過我記得 Ernie 係其中一個...stephanie 03年12月30走....我識Ernie 時, 肯定stephanie 未走....再估多估....應該係 03年年中.....今日o係 06 年1月1...原來...最少都識左佢2年....
我同佢真係好好o既朋友, 經歷唔算多, 但對佢來講應該幾深......我唔知道.....果一段時間算唔算佢o既谷底, 但我最段時間就好盡朋友o既義務去陪佢.....佢亦都係一個...我完全從冇對佢有意思o既女仔之一...冇計...佢對住我成個男人頭....又粗魯....仲要就係我同佢家底好大距離....

真係好開心見到佢出嫁, 可能我知佢某d野, 所以見到佢今日咁...我都好鄧佢開心....
希望佢同佢老公以後都好好生活啦.....

Tuesday, December 27, 2005

 

已經唔止一次在晚上呢一個時候發呆....唔知點解, 呢排都係咁o岩咁橋, 呢段時間特別悶...
晚晚8點左右食完飯, 之後到11點, 呢3個鐘, 都唔知做乜好....
馬又未有得刨, 到有得刨o既日子亦都唔駛咁多時間,
書又唔想溫住, 始終仲有4日, 有多少大安指意....
冇野好做, 又冇野想做...

Sunday, December 11, 2005

 

放假..等考試了

好耐都冇試過了, 今朝訓到成11點半....之前星期6,日都冇得好訓, 唔係因為d咩, 冇計喇, 星期6,日晚都有波踢, 有時又想睇...即使唔想睇, 都想快d知結果, 於是咪訓一陣...又起身, 訓一陣又起身咁囉...
擒晚, 輸完頭幾場, 冇咩心機, 就安樂去訓了...

因為唔使返學, 所以可以訓到咁晏...打埋blog 就落去食飯, 返來開工!

Friday, December 02, 2005

 

今年好似過得咁快

今日...咁就12月了, 好快, 真係好快....
o岩o岩睇返上一個online diary, d 事好似o岩o岩發生左無幾耐咁...原來咁快, 咁又一年...
講開心...2005年係開心過2004, 可能係因為有拖拍.....但你話講經歷, 就一定係2004 年多好多...
真係好記憶猶新....好多好多2004 年o既事, 我而家都仲 reflect 緊...原來, 咁又一年....唉~

Thursday, November 03, 2005

 

死火....有 d 乾塘

乾塘...唔係指我荷包....係指可以同女朋友去o既地方...

every thursdays, 當我知道我呢個星期6/日會去拍拖時, 我就會開始plan定去邊同做乜....拍拖大半年, 死火, 開始覺得冇咩街未去過, 冇咩 mall 未行過咁.....睇戲, 睇太空館未唔係成日可以去做, 都要有o野o岩睇先得....有時問d fd拍拖多數去邊, surprisingly, 佢地通常都會同我講....一係佢來o下我屋企, 一係我去o下佢屋企咁....唉~ 可惜呢樣野唔可以apply落我個case 度~

真係有d諗到煩, 係就係想見, 話就話做咩都冇問題, 但問題就係我係一個唔鍾意成日來來去去都係果幾樣o既人....所以真係唔知去邊同做乜好呀!!!


Wednesday, November 02, 2005

 

原來...唔點洗錢..都可以happy

今次拍拖...其中一個好深o既感受...就係原來拍拖, 都可以唔點洗錢而開心....
實不相瞞, 呢一個都係我鍾意同佢o係埋一齊o既原因....

曾經試過.....去街要行Pacific Place, 食野多數食buffet...丫..原來行o下廟街, 食o下大排檔..9唔9 有節日先食o下buffet, 都可以咁 happy~但其實, 咁又係咪叫寒酸? 又未必....有諗過可能係女朋友冇咩見過世面, 唔知咩叫好..所以冇諗過.....不過相處落先知, 事實又唔係咁......明牌子, 高級野...佢全部都有多少認識....但識佢成年, 真係冇聽過佢恨...........歸根究底...我覺得係出身問題....佢同我一樣, 屋企真係唔多錢, 雖然知道咩叫好, 咩係享受, 但又唔係好恨.....因為自己知自己事.....當然, 如果他日我地呢d人有錢, 亦都會去嘆好野啦.....不過而家未係時候, 亦唔會去追....

有人話過, 2個人一齊, 要門當戶對....係! 其實真係.....一個好aggressive, 死都想做上等人o既人....一個順其自然, 做到幾多做幾多o既人....係其係搞唔埋..............同樣, 一個冇咩家境o既人, 同一個有多少家底o既人...亦唔得~ 因為大家o既value根本唔同......

好多人話, 我同呢個女友一齊, 唔係源於我o既愛...我遲早會頂唔順~ well~ 到而家我都唔係咁睇, 化了, 之前幾個女朋友, 有黑底o既, 有成績差, 做人差o既, 有好叻o既....樣樣我都睇過, 俾女友迫讀書...我試過......聽住女友話陪姊妹去俾人"試鐘"..我亦嘗過..............

好多人話...唔好咁快化啦.....well, 對唔住, 我真係累了, 而家呢個, 肯就我, 我刨馬佢識行開, 行行o下pacific place 會同我講都冇咩睇不如行廟街, 多d特色o既睇, 我問佢食咩好............佢反問我食車仔麵會唔會唔開心.....呢個亦係點解我個個月都肯養起佢o既原因~更重要o既係.....我雖然唔係勁愛佢, 但我肯定唔係唔鍾意佢....算啦....一世人...係要搵過同到你過o既人....而唔係一個你勁愛o既人....愛.....可以慢慢起來....但相處..係每一日都在發生o既事......你點可以唔以相處行先呢???~~~

Sunday, October 30, 2005

 

唔好俾女人知咁多野

因為女友無收入, 所以我每個月都會做多少佢. 前幾日, 我又再做呢個動作.
因為呢排馬仔波仔生勝, 所以我俾平時俾多左少少佢....之後佢唔多肯要, 佢話之前d仲未洗晒, 又話要都唔駛咁多....咁我諗住令佢放心, 咪同佢講我呢排贏左錢, 鬆動d囉.........
點知, 佢唔安樂左成晚...查問之下, 發覺原來係因為...佢怕我為左有多d錢俾佢而去賭大左, 所以唔太安樂~ 我都唔知好嬲定好笑, 只好講句佢太唔清楚我點樣賭法了....我呢d professional 又點會為左少少而影響到我點投注丫.................

This page is powered by Blogger. Isn't yours?